Kabab sözü “şişlik”, “şiş üstündə” deməkdir. Kabab əsasən şişə çəkilərək manqalda bişirilən ət yeməyidir. "Kitabi Dədə Qorqud"da "şişlik" sözünə dəfələrlə rast gəlinir. Əsrlər boyu kabab qafqazlıların ən sevimli yeməyi olmuşdur. Milli  mətbəximizə aid olan bu yeməyin hazırlanması olduqca asandır.
Kabab ümumiyyətlə qoyun, keçi, dana, toyuq, bildirçin və tərəvəzdən hazırlanır. Əksər hallarda souslar və ədviyyatlarla yanaşı müxtəlif növ xəmirlər də vurulur.
Azərbaycan mətbəxində kabab növləri:

• Tikə kabab;
• Lülə kabab;
• Qabırğa kabab;
• Toyuq kabab;
• Tava kabab;
• Böyrək kababı;
• Dana basdırma;
• Kartof kababı;
• Pomidor kababı;
• Badımcan kababı və s.